PITUTUR LUHUR

*MONGGO DIWAOS SAE SANGET*

=========================

Manungso kuwi dititah padha,

Nanging yen masalah banda, dijatah bedha

Mulo wajib e ngupadaya lan dedunga

Entuk rejeki sepiro atine sing nrima

Ora usah iri lan meri rejekine kanca

Saiki padha akeh wong stress

Mergo uripe akeh sing ora beres.

Rino wengi mburu dunyo nganti rembes

Njur nganti lali agama lan atine ora dipaes

Malah remen nyalah-nyalahke tiyang sanes

Mula, aja padha gampang ngersula

Ngunu kuwi mundhak gelis tambah tua

Ilingana yen wong kang nrima umure dawa

Dehne wong kang sulaya, uripe bakal rekasa

Wong kang sabar, rejekine bakal jembar

Wong kang ngalah, uripe bakal barokah

Sapa sing jujur, uripe bakal makmur

Sapa sing telaten, tembe mburi bakal panen

Dehne sing sombong amale bakal kobong

Jamane wis zaman tua

Akeh manungsa wis angel ditata

Babagan tuntunan lan agama

Senengane malah padha gawe dosa

Tumindak dosa saben dina padha ora krasa

Sithik-sithik ora krasa, ora ketara

Suwi-suwi dadi cetha, sansaya wus dadi kulina

    

Sing podho ati-ati, iling lan waspada

Menowo sira gegojegan karo kanca

Ngerasani tanggane, ngojah salahe wong liya 

Kadhang ora rumangsa yen awake gawe dosa

Ayo mumpung turung telat, enggal padha tobat

Timbang sira mbesok kena siksa akhirat

Imane ayo dijaga sing luwih kuat

Aja nganti gampang karidu marang maksiat

Rumangsane mung dosa sepele, ora digatekne

Nanging gedhe akibate marang awake dhewe

Mumpung isih urip, ngibadaho kanthi tertib

Ngelingana yen wes mati, Ora bakal iso bali

Mumpung isih waras, ngibadaho kanti ikhlas

Ngelingana yen wes lara, ora bisa apa-apa

Mumpung isih longgar, ngibadaho kanti sabar

Ngelingana yen wis repot ibadah rasane abot

Pungkasane sopo lan opo wae awakmu mula OJO DUMEH

Cekap semanten Pituture pinisepuh Jawa

Mugi manfaati kangge pepenget kita sedaya

Mangga digetok-tularno nang para kadang/dulur sedaya. Nuwun. 🙏